У французскай вёсцы Шато-Шалон невядомыя замянілі святую ваду ў царкоўнай купелі каньяком. Пра гэта паведамляе AFP са спасылкай на мясцовы турыстычны цэнтр.
Інцыдэнт адбыўся ў канцы жніўня, але вядома пра яго стала толькі ў пятніцу. Турысты адчулі пах алкаголю пры ўваходзе ў мясцовую царкву і пацікавіліся ў гіда, ці з'яўляецца гэта мясцовай традыцыяй.
Мясцовыя ўлады ініцыявалі ўласнае расследаванне і высветлілі, што ў купель са святой вадой невядомыя вылілі літр каньяку. У царкве не праводзяцца службы, а таму тое, што адбылося, было заўважана не адразу.
«Гэта рассмяшыла мяне. Я думаю, што людзі, якія гэта зрабілі, маюць пачуццё гумару і хочуць парваць з традыцыямі», — распавёў мэр Шато-Шалона Крысціян Вільем, адзначыўшы пры гэтым, што, імаверна, гэты жарт пацешыў не ўсіх.
Купелі былі ачышчаныя і зноў напоўненыя святой вадой. Асобы, адказныя за інцыдэнт, да гэтага часу не выяўленыя.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма2
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары