Сёння інтэрнэт-карыстальнікі на некалькі гадзін страцілі магчымасць адкрываць сайт Міністэрства абароны Беларусі. Магчыма, прычынай стала цікавасць да вучэнняў «Захад-2017».
Праблема выявілася каля 13:00 18 верасня. На ўсіх старонках рэсурсу з'яўляецца англамоўны надпіс, што на сайце ідуць работы. Не адчыняецца і спецыяльны раздзел, прысвечаны вучэнням «Захад-2017», піша Tut.by.
— Мабыць, ідзе вельмі вялікая нагрузка па спампаванні інфармацыі і ўсяго астатняга, — выказаў меркаванне начальнік упраўлення інфармацыі Міністэрства абароны Уладзімір Макараў. У ведамстве паабяцалі разабрацца з праблемай.
Каментары