Паўночная Карэя распачала разгортванне ракетнага падраздзялення на захадзе Расіі. Паводле даных Галоўнага ўпраўлення разведкі Міністэрства абароны Украіны, падраздзяленне ў складзе каля 90 чалавек плануецца размясціць у Варонежскай вобласці ў межах 112‑й ракетнай брыгады Узброеных сіл Расіі, паведамляе Reuters.
«Паўночнакарэйская ракетная часць пачала разгортванне на захадзе Расіі і, імаверна, можа быць абсталявана 120 балістычнымі ракетамі і шасцю пускавымі ўстаноўкамі для нанясення ўдараў па Украіне, паведаміў прадстаўнік вайсковай разведкі Украіны», — гаворыцца ў паведамленні.
Пхеньян ужо перадаў Расіі новую партыю з 40 балістычных ракет тыпаў KN-23 і KN-24 разам з персаналам, а канчатковая канфігурацыя разгортвання і агульная колькасць узбраення будуць узгодненыя на перамовах найвышэйшага ўзроўню ў наступным месяцы.
Згодна з ацэнкамі ўкраінскай разведкі, у перыяд з канца 2023 года па жнівень 2025 года Паўночная Карэя паставіла Расіі каля 150 балістычных ракет. Ужыванне гэтых ракет зноў зафіксавана на мінулым тыдні падчас удару па цывільнай інфраструктуры ва Украіне.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары