ДАІ ўзмацніла прафілактычную працу па папярэджанні дарожна-транспартных здарэнняў з удзелам пешаходаў і раварыстаў, паведамілі агенцтву «Мінск-Навіны» ў аддзеле ДАІ Маскоўскага РУУС.
З 20 па 30 верасня за парадкам на дарогах будуць назіраць прадстаўнікі ўсіх службаў міліцыі грамадскай бяспекі. Дзяжурства арганізуюць на аварыйна-небяспечных участках вуліц, у цёмны час сутак. Удзельнікаў дарожнага руху просяць паведамляць па тэлефоне 102 пра факты знаходжання нецвярозых пешаходаў паблізу небудзь на праезнай частцы. Аб неабходнасці выкарыстання святловяртальных элементаў у цёмны час сутак міліцыянты раскажуць падчас сустрэч у працоўных калектывах прадпрыемстваў і арганізацый, навучальных установах і школах.
«З прыходам восені і скарачэннем светлавога дня ўзрастае небяспека ўчынення ДТЗ з удзелам пешаходаў і веласіпедыстаў, — паведаміла старшы інспектар па агітацыі і прапагандзе аддзела ДАІ Маскоўскага РУУС Любоў Трапашка. — У гэты перыяд узмацняецца прафілактычная работа па зніжэнні цяжкасці наступстваў такіх здарэнняў».
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе2
Каментары