Міністэрства замежных спраў Беларусі аб'явіла конкурс на стварэнне двухсерыйнага фільма, прысвечанага гісторыі дыпламатыі Беларусі.
Прапанову аб адкрытым конкурсе на стварэнне фільма размешчана на афіцыйным сайце дзяржзакупак.
Хранаметраж карціны — 26 хвілін. Прыкладны кошт праекта — да 27000 разам з ПДВ (крыху менш за 14 тысяч даляраў).
Як напісана ў конкурсных дакументах, выканаўца павінен будзе распрацаваць «арыгінальны сцэнарны план, арыгінальнае рэжысёрскае рашэнне, арыгінальную канцэпцыю, сінопсіс, літаратурны сцэнарый фільма».
Да пачатку непасрэднага стварэння фільма неабходна пісьмова ўзгадніць з МЗС сцэнарый карціны.
У якасці моў агучвання і тытроўкі прапануюцца рускую і беларускую. «Аднак прапанова, падрыхтаваная ўдзельнікам, а таксама ўся карэспандэнцыя і дакументацыя, звязаныя з гэтай прапановай, павінны быць напісаны на беларускай і (або) рускай мовах», — удакладняецца ў конкурсных дакументах.
Музыка да фільма па задумцы МЗС таксама павінна быць арыгінальнай.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары