Карэспандэнт «Камсамольскай праўды» Алена Бадуэн заявіла, што гэта яна з'яўляецца аўтарам паведамлення пра смерць спевака Дзмітрыя Хварастоўскага, піша РІАН.
«Ох, мне, вядома, вельмі сорамна пра гэта казаць, але гэта я вінаватая ў распаўсюдзе навіны пра Дзмітрыя Хварастоўскага і яго нібыта сыход з жыцця. Толькі мая віна», — напісала яна ў фэйсбуку.
Па яе словах, нейкі чалавек размясціў інфармацыю аб смерці Хварастоўскага ў сеціве, яе пацвердзілі «інсайдары», пасля чаго яна апублікавала паведамленне. Па яе словах, яна ўпершыню ў жыцці не праверыла даныя.
Бодуэн прынесла прабачэнні Хварастоўскаму і яго жонцы, адзначыўшы, што ёй «вельмі сорамна».
Інфармацыю пра смерць спевака абверглі яго жонка і дырэктар.
У чэрвені 2015 года ў Хварастоўскага выявілі рак мозгу. З тых часоў ён актыўна змагаецца з хваробай, але працягвае выходзіць на сцэну: у прыватнасці, у чэрвені 2017 года ён даў канцэрт у Краснаярску.
-
Новая лідарка Венесуэлы пад кантролем Белага дома правяла чысткі ва ўладзе пасля звяржэння Мадура
-
«Час пакласці канец іранскай машыне забойстваў!». Трамп ізноў прыгразіў знішчыць ядзерныя аб'екты Ірана ў выпадку правалу перамоваў у Пакістане
-
Літовец, які шпіёніў на карысць рэжыму Лукашэнкі, падаў у суд на прэзідэнта Літвы, бо яго не абмянялі на беларускіх палітвязняў
Каментары