Улады другі раз за год панізілі норму забеспячэння мінчукоў грамадскім транспартам
Гарадскія ўлады другі раз за год зменшылі нарматыў забеспячэння мінчукоў грамадскім транспартам. Цяпер адзін аўтобус (трамвай, тралейбус, вагон метро) прыпадае на дзве тысячы чалавек незалежна ад дня тыдня. Такую выснову можна зрабіць на падставе рашэння Мінгарвыканкама, апублікаванага на Нацыянальным прававым партале, піша Tut.by.
У 2003 годзе мэрыя прыняла рашэнне «Аб устанаўленні пераліку дзяржаўных мінімальных сацыяльных стандартаў па абслугоўванні насельніцтва горада Мінска». Там прапісаныя нормы неабходнага забеспячэння гараджан рознымі выгодамі ў розных сферах: ад ЖКГ да грамадскага харчавання.
Ёсць там і пункт пра забеспячэнне грамадскім транспартам. Першапачаткова норма складала адзін аўтобус (тралейбус), які працуе на лініі, на 1,5 тысячы чалавек. Але ў лістападзе 2016 года нарматыў панізілі да 1,55 тысячы чалавек у будні і 2 тысяч у выходныя.
А цяпер Мінгарвыканкам зраўняў нарматыў у будні і выходныя. Цяпер сем дзён у тыдзень на дзве тысячы мінчукоў павінен прыпадаць адзін аўтобус (трамвай, тралейбус, вагон метро).
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары