Валянціна Мікалаеўна Шчэрба, мама шасціразовага алімпійскага чэмпіёна па спартыўнай гімнастыцы, пракаментавала для «Народнай Волі» абвінавачванні на адрас яе сына. «Магчыма, Таня хоча грошай», - выказвае здагадку наша суразмоўніца.
— Гэта поўнае трызненне! — кажа мама Віталя Шчэрбы. — І самае прыкрае ў гэтай гісторыі, што цяпер сыну трэба будзе апраўдвацца і, як той казаў, даказваць, што ты не вярблюд. Бо абвінаваціць праз амаль 30 гадоў — прасцей няма куды. І вось пытанне: раней у Таццяны Гуцу на такое «прызнанне» не было часу? Чаму чакала? З-за чаго не выдала «навіну» па гарачых слядах? А цяпер яна выдае «сенсацыю». Безумоўна, патрэбны эфект будзе дасягнуты — Гуцу зноў апынецца ў цэнтры ўвагі СМІ. Значна складаней апраўдвацца таму, каго абвінавацілі.
— Які сэнс ёй вінаваціць Віталя?
- Можа быць, Таня, ведаючы, што ў сына ў Амерыцы бізнэс, хоча грошы з яго «зняць»? Але я ўпэўнена, што ён будзе абараняць сваё добрае імя.
— Якія адносіны былі ў Віталя з Таццянай у той час, калі яны былі спартоўцамі?
— Чыста сяброўскія. Разам знаходзіліся на зборах, спаборніцтвах… Сын і з Таняй сябраваў, і з усімі астатнімі гімнасткамі. Можа быць, Віталь Шчэрба ўсю жаночую каманду згвалціў? Лухта! І нешта я нічога не чула, каб нехта з былых спартсменаў пацвердзіў словы Таццяны Гуцу. Думаю, у бліжэйшы час скажа сваё слова і сын. Ён не будзе маўчаць, калі яго паліваюць брудам.
Лукашэнка нервова пракаментаваў візіт Ціханоўскай у Кіеў45
Каментары