Вярхоўны лідар Ірана аятала Алі Хаменеі у сераду пацвердзіў прыхільнасць сваёй краіны ядзернаму пагадненню. Іран выйдзе з пагаднення толькі ў тым выпадку, калі ЗША «разарве» яго, заявіў кіраўнік краіны ў выступе па дзяржаўным тэлебачанні, паведамляе DW.
Алі Хаменеі абвінаваціў прэзідэнта ЗША Дональда Трампа ў правядзенні варожай палітыкі ў дачыненні да Ірана. На думку іранскага лідара, гэта звязана з правалам амерыканскай палітыкі ў Сірыі, Іраку і Ліване. Ён назваў «пустой тратай часу рэагаваць на трызненне вульгарнага амерыканскага прэзідэнта».
Кіраўнік іранскай дзяржавы заклікаў еўрапейскіх палітыкаў не ісці ў фарватары «жахлівай палітыкі» амерыканскага прэзідэнта. Хаменеі назваў недапушчальным знешняе ўмяшанне ў развіццё іранскай ракетнай праграмы і палітыку Ірана ў рэгіёне.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары