Суддзя Аршанскага суда трапіла пад машыну ўвечары 11 лістапада.
45-гадовая Таццяна Рыбакова ехала на аўтамабілі «Сітраен» у якасці пасажыркі. Нездалёк ад Талачына на трасе М1 машына трапіла ў аварыю — ад «Пежо», які ехаў насустрач, на хаду адляцела кола. Кола выпадкова трапіла менавіта ў гэты «Сітраен». Давялося спыніцца абодвум машынам. Рыбакова стала выклікаць супрацоўнікаў ДАІ.
Некаторую інфармацыю ёй трэба было ўдакладніць у кіроўцы «Пежо», для чаго яна пайшла праз дарогу на другі бок. Па той жа дарозе ехаў «Хёндэ». Жанчына была без флікераў, таму кіроўца яе не заўважыў. Ад удару жанчыну выкінула з дарогі ў кювет. Яна загінула на месцы аварыі.
46-гадовага кіроўцу «Хёндэ» пасля допыту адпусцілі пад падпіску аб невыездзе, паведамляе Следчы камітэт. У дачыненні да кіроўцы распачалі крымінальную справу за парушэнне ПДР, якое прывяло да смерці па неасцярожнасці. Мужчыну пагражае да 5 гадоў пазбаўлення волі.
Таццяна Рыбакова набыла вядомасць пасля працэсаў над актывістамі і апазіцыянерамі. У прыватнасці, яна асудзіла Паўла Севярынца на 15 сутак за удзел у «Маршы недармаедаў». У 2007 годзе Рыбакова карала суткамі мастака Алеся Пушкіна за тое, што ён выкінуў з вакна РАУСа чырвона-зялёны сцяг, у 2012 годзе судзіла праваабаронцу Валерыя Шчукіна нібыта за хуліганства і непадпарадкаванне міліцыі.
***
На тэлеграм-канал «Нашай Нівы» можна падпісацца тут.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў7
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары