Гісторык, які пераназывае вуліцы ў Польшчы: Пытанне з Тарашкевічам ужо канчаткова закрыта, над Коласам яшчэ працуем
Пра гэта у інтэрв'ю Радыё Свабода заявіў доктар гістарычных навук, кіраўнік групы, якая ацэньвае біяграфіі патронаў польскіх вуліц і плошчаў, Мацей Коркуць. Так, у Бельску-Падляскім перайменуюць не толькі вуліцу Браніслава Тарашкевіча, але і беларускі ліцэй, названы ў яго гонар. Прычыны — у камуністычным мінулым беларускага дзеяча.
— У Гайнаўцы ёсьць вуліцы Коласа і Купалы. Які лёс іх чакае?
— Да вуліцы Янкі Купалы ў нас няма пытанняў. Ён не быў актыўным дзеячом партыі, як Тарашкевіч. Нават у савецкай літаратуры ён шукаў для сябе месца. Нават калі не ўсё ў яго біяграфіі было ідэальнае, то ён з'яўляецца бясспрэчным сімвалам беларускай культуры. І мы гэта шануем. У Купалы ёсць вуліца ў Гданьску. Мы не звярталіся наконт замены яго вуліцы. Беларусы — гэта блізкі нам народ і ў іх шмат герояў. Яны таксама былі ахвярамі таталітарызмаў. Над Коласам мы яшчэ працуем.
— Пытанне з Тарашкевічам вырашанае і мы чакаем толькі подпіс ваяводы?
— Я адкажу вам пытаннем. Ці магчыма зьмяніць біяграфію Браніслава Тарашкевіча, каб не падманваць грамадскую думку? Думаю, што не. Мы ня хочам і не можам маніпуляваць. Мы бярэм пад увагу дэталі, таму і ставім у адно месца Тарашкевіча, а ў іншае месца — Купалу. Зразумейце, што для нас у працэсе дэкамунізацыі нацыянальнасць не мае значэньня. Што з таго, што Фэлікс Дзяржынскі быў маім земляком, калі гэта крывавы злачынца і сустваральнік антычалавечай сыстэмы. У нас не павінна быць месца для такіх людзей, і не важна, што ён быў палякам.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары