Бамжоў Нью-Ёрка прапанавалі сяліць у сотах, што мацуюцца на шматпавярховіках ФОТА
Дызайнерскае агенцтва з Нью-Ёрка прапанавала з розумам выкарыстоўваць глухія сцены гмахаў, замацоўваючы на іх вось такое падабенства сотаў з пчалінага вулля, створаных на 3D-прынтары, ператвараючы сцены не толькі ў арт-аб'ект, але і забяспечваючы іх карыснымі функцыямі. Па-першае, на соты можна мацаваць дысплеі, ствараючы модную вонкавую рэкламу, а па-другое, унутры кожнае капсулы змогуць жыць бяздомныя.
Вонкавы бок модуляў прапануецца абшыць алюмініем, сталлю і ўцяпліць, да сцяны можна замацаваць кожную соту на спецыяльна падрыхтаванае загадзя рыштаванне з лесвічнымі пралётамі.
Дзякуючы сучасным тэхналогіям 3D-друку, глухую сцяну стандартнага пяціпавярховага дома можна абляпіць такімі жылымі «сотамі» усяго за некалькі дзён.
Унутранае абсталяванне кожнай капсулы таксама прапануецца друкаваць на 3D-прынтары з перапрацаваных пластыкавых адкідаў: гэта найбольш эканамічнае рашэнне.
Ашкленне сотаў днём будзе люстраным, не дазваляючы бачыць з вуліцы тое, што адбываецца ўнутры. Увечары ж можна будзе ператвараць яго ў мультымедыйны экран, транслюючы рэкламу і зарабляючы такім чынам грошы.
Ніхто пакуль не падумаў, ці спадабаецца такая ідэя жыхарам тых дамоў, на сценах якіх павесяць гэтыя «соты».
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары