Аўтар двух дакладаў пра расійскую дзяржаўную допінг-праграму, кіраўнік незалежнай камісіі Сусветнага антыдопінгавага агенцтва (WADA) Рычард Макларэн мяркуе, што Міжнародны алімпійскі камітэт павінен прымяніць да Расіі калектыўныя санкцыі. Пра гэта ён заявіў у інтэрв'ю газеце Спорт-Экспресс.
Адказваючы на пытанне пра допуск расійскай зборнай да Алімпіяды-2018 у Пхенчхане, Макларэн сказаў, што «тут павінна быць прыменена нейкая калектыўная санкцыя». Ён растлумачыў, што, на яго думку, «санкцыі павінны распаўсюджвацца не толькі на канкрэтных спартсменаў, якія былі абвінавачаныя ў парушэннях правілаў на Гульнях у Сочы».
«Гэта вельмі складанае пытанне. Дзякуй Богу, вырашаць яго не мне, а МАК», - удакладніў ён.
Праз тыдзень у Лазане будзе прынята рашэнне аб удзеле расійскіх спартсменаў у зімовых Алімпійскіх гульнях 2018 года.
12 лістапада генеральны дырэктар WADA Аліўе Ніглі заявіў, што нязгода з высновамі з дакладу незалежнай камісіі пад кіраўніцтвам Рычарда Макларэна перашкодзіць расійскім спартсменам трапіць на Алімпійскія гульні 2018 гадоў ў Пхенчхане.
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў3
Каментары