Маштабныя сумесныя вучэнні ЗША і Паўднёвай Карэі, а таксама заявы з боку вышэйшага кіраўніцтва Штатаў робяць вайну на Карэйскім паўвостраве непазбежнай. Пра гэта паведамляе паўночнакарэйскае агенцтва ЦТАК са спасылкай на заяву прадстаўніка МЗС КНДР.
«Пачатак вайны на Карэйскім паўвостраве — устаноўлены факт. Застаецца пытанне: калі пачнецца вайна?», - гаворыцца ў заяве прадстаўніка замежнапалітычнага ведамства Паўночнай Карэі.
Паводле яго слоў, улады Паўночнай Карэі «не хочуць вайны дзеля вайны». «Аднак не будзем хаваць, што калі ЗША працягнуць выпрабоўваць наша цярпенне і пачнуць ядзерную вайну, мы, безумоўна, прымусім ЗША дорага заплаціць за наступствы, ужыўшы ядзерную зброю, якую мы пастаянна паляпшаем», - гаворыцца ў заяве.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары