Без «Іроніі лёсу» і выступу Пуціна — што пакажуць у навагоднюю ноч беларускія тэлеканалы
На тэлеканале «Беларусь-1» пад вечар пакажуць украінскую прэм’еру — меладрама «Калі тата Дзед Мароз». Пасля будуць выніковыя навіны і традыцыйнае шоу «Новы год на Беларусь-1».
«Беларусь-2» вырашыў не разнастайваць праграму — у другой палове дня пакажуць чатыры фільмы з цыкла «Ёлкі» з перапынкам на латарэі і прагноз надвор’я.
АНТ ад абеда пачне трансляваць «Іронію лёсу» (але не савецкі фільм, а працяг). Пасля будуць «Песня года ў Беларусі», навагодні выпуск шоу «Лепш за ўсіх» і «Контуры». У навагодні прайм-тайм пакажуць «Іван Васільевіч змяняе прафесію», а пасля сваё навагодняе шоу.
«РТР-Беларусь» таксама арыентуецца на савецкія фільмы — «Сабака на сене» і «Утаймавальніца тыграў». Увечары будзе канцэрт зорак расійскай эстрады і выступ гумарыстаў.
«НТВ-Беларусь» абраў для трансляцыі серыял «Марскія д’яблы. Смерч», фільм «Зімні круіз» і меладраму «Мая мама — Снягурка». А пасля традыцыйнае навагодняе шоу.
Нарэшце, на СТБ пакажуць «Любімыя песні», «Зорку эпохі». Скончыцца год «Навагодняй ноччу на СТБ».
Усе згаданыя вышэй тэлеканалы будуць трансляваць навагодні зварот Аляксандра Лукашэнкі. Выступ прэзідэнта Расіі Уладзіміра Пуціна беларусы не ўбачаць.
Тэлеканал «Белсат» пакуль не апублікаваў сваю праграму на наступны тыдзень.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары