Абмяркоўвайце!
«Хочаш разлюбіць людзей — ідзі на Белпошту»
Я рэдка бываю на пошце, бо ўсе паслугі аплачваю праз інтэрнэт-банкінг. Але зараз надыходзяць святочныя калядна-навагоднія дні, калі сябрам і знаёмым трэба даслаць паштоўкі. Таму традыцыйна ў другой палове снежня я іду на пошту. І заўсёды для мяне гэта стрэс.
Я разумею, што трэба быць добрым, памяркоўным і талерантным. Але я нічога не магу з сабой зрабіць. Я проста не разумею тых людзей, якія спачатку стаяць у чарзе каля банкамата, каб зняць грошы з карткі, а потым ідуць на пошту, і дзясяткі хвілін стаяць у чарзе, каб аплаціць камунальныя паслугі. Якая IT-краіна? Якія рэформы?
Хочаш разлюбіць людзей і перастаць верыць у Беларусь — ідзі на Белпошту.
Каментары