Яндэкс не будзе паказваць відэарэкламу з гукам і банеры на ўвесь экран
Кампанія заявіла, што ад лютага 2018 года адмовіцца ад фарматаў рэкламы, якія раздражняюць карыстальнікаў найбольш.
На камп'ютарах гэта:
- Статычныя рэкламныя блокі на ўвесь экран, якія з'яўляюцца адразу пасля загрузкі старонкі. Зачыніць іх можна толькі пасля зваротнага адліку.
- Вялікае акно, што ўсплывае па цэнтры экрана і хавае змесціва старонкі. Зачыніць можна адразу або пасля зваротнага адліку.
- Рэкламны відэаролік з гукам уверсе старонкі. Гук уключаецца аўтаматычна пасля загрузкі роліка.
- Банер на ўсю шырыню экрана вышынёй 250 пікселяў, зафіксаваны ўнізе. Можна зачыніць.
- Банер на ўсю шырыню экрана вышынёй 200 пікселяў, зафіксаваны уверсе. Зачыніць нельга.
На мабільных прыладах:
- Банер на ўвесь экран, які з'яўляецца адразу пасля загрузкі старонкі. Пасля зваротнага адліку можна зачыніць альбо ён зачыняецца аўтаматычна.
- Банер на ўвесь экран, які з'яўляецца праз некаторы час пасля ўваходу на сайт. Зачыніць можна адразу або пасля зваротнага адліку.
- Рэкламны відэаролік з гукам унутры змесціва сайта. Гук уключаецца аўтаматычна.
Яндэкс спыняе выкарыстанне гэтых фарматаў на сваіх пляцоўках, а таксама будзе фільтраваць іх у Яндэкс.Браўзеры. Гэта азначае, што пералічаныя фарматы рэкламы не будуць з'яўляцца на сайтах Яндэкса і любых рэсурсах, што адкрываюцца ў Яндэкс.Браўзеры. Кампанія таксама спыніць продаж такіх фарматаў на пляцоўках-партнёрах Рэкламнай сеткі Яндэкса.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі14
Каментары