Карэйцы стварылі гнуткія OLED-ніткі для «разумнага адзення», якія можна ўключаць і выключаць
Карэйскія навукоўцы распрацавалі недарагую тэхналогію вытворчасці гнуткіх OLED-валокнаў, якія маюць параўнальную з плоскімі OLED-дысплеямі яркасць. Даследчыкі паказалі, што такія валокны можна заплятаць у тканіны і, напрыклад, выкарыстоўваць для стварэння «разумнага адзення», паведамляецца ў працы, апублікаванай у часопісе Nano Letters.
У аснове такіх нітак ляжыць палімернае валакно (у сваёй працы даследчыкі для прыкладу выкарыстоўвалі поліэтылентэрэфталат). На гэтую аснову наносяцца некалькі слаёў іншых матэрыялаў: першыя пласты ўтвараюць катод, наступныя ўяўляюць сабой інжэкцыйны пласт, а самыя верхнія — анод. Асаблівасць распрацаванай тэхналогіі заключаецца ў тым, што амаль усе пласты наносяцца простым метадам нанясення апусканнем, і толькі апошні пласт алюмініевага анода наносіцца тэрмічным напыленнем.
Пры даследаванні валокнаў выявілася, што іх яркасць дасягае дзесяці тысяч кандэл на квадратны метр. Для параўнання, максімальная яркасць сучасных OLED-дысплеяў, якія выкарыстоўваюцца ў смартфонах і тэлевізарах, звычайна складае некалькі сотняў кандэл на квадратны метр.
Таксама даследчыкі пратэставалі механічныя ўласцівасці валокнаў. Высветлілася, што яны захоўваюць каля 90% сваёй эфектыўнасці пры дэфармацыі расцяжэння 4,3%.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза3
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары