Мінскі пенсіянер, які балатуецца на ўсіх выбарах у краіне, хоча стаць прэзідэнтам Расіі
Жыхар Мінска, які спрабуе на кожных выбарах у Беларусі — ад мясцовых да прэзідэнцкіх — стаць кандыдатам, мае намер стаць прэзідэнтам Расіі.
«Вось ёсць у нас фігура (падаў дакументы на рэгістрацыю кандыдатам у дэпутаты мясцовых Саветаў) - гэта пенсіянер Талмачоў Віктар Пятровіч, але ён удзельнічае ва ўсіх выбарах, асабліва ў выбарах прэзідэнта, праўда да статусу кандыдата не даходзіць», — распавяла старшыня Цэнтрвыбаркама Беларусі Лідзія Ярмошына на прэс-канферэнцыі ў пятніцу ў Менску.
«Больш за тое, нядаўна ён падаў заяву ў адрас маёй калегі Памфілавай (старшыня ЦВК Расіі) аб рэгістрацыі яго кандыдатам у прэзідэнты Расійскай Федэрацыі», - працягнула яна.
Кіраўнік ЦВК патлумачыла, што ў курсе гэтага, бо заява беларускага «кандыдата» прыйшла ёй у копіі.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»8
Каментары