Усяго за мінулы год па правілах бязвізавага руху Беларусь наведалі каля 80 тысяч іншаземцаў з 65 дзяржаў. Больш за ўсё гасцей было з Нямеччыны — 12,7 тыс; Польшчы — каля 7,6; Італіі — 6,7. За ўвесь час дзеяння рэжыму зарэгістравана каля 500 парушэнняў. Паводле словаў начальніка Дэпартамента па грамадзянстве і міграцыі МУС Беларусі Аляксея Бегуна, гэта «кропля ў моры».
«Мы ўзмацнілі інфармацыйную працу сярод тых асоб, якія знаходзяцца на тэрыторыю нашай дзяржавы, у аэрапорце размецілі два білборды, дзе на пяці міжнародных мовах змяшчаецца інфармацыя аб асноўных аспектах знаходжання ў нашай краіне, падобная інфармацыя размешчана на ведамасным сайце МУС», — сказаў ён
У ліку тых, што «правініліся», у асноўным, грамадзяне Еўрасаюза, якія ў праз пэўныя абставіны дапускаюць нязначныя парушэнні, звязаныя з рухам па тэрыторыі сумежных дзяржаў. Беларускія праваахоўнікі вельмі лаяльныя да такіх парушэнняў, і, як правіла, абмяжоўваюцца штрафамі альбо папярэджаннямі. Да злосных парушальнікаў прымяняюцца больш сур'ёзныя санкцыі, аж да дэпартацыі і забароны на ўезд.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла6
Каментары