Міністр замежных спраў Беларусі Уладзімір Макей пракаментаваў заяву прэзідэнта Казахстана Нурсултана Назарбаева аб магчымасці пошуку альтэрнатыўнага месца правядзення перамоваў па Украіне.
«Не Беларусь напрошвалася ў якасці пляцоўкі для правядзення перамоў па Украіне, а кіраўнікі краін нармандскай чацвёркі выказалі просьбу да прэзідэнта А.Лукашэнкі прыняць у сябе ўдзельнікаў сустрэч па ўрэгуляванні ўкраінскага канфлікту», — мяркуе Макей.
«У адрозненне ад іншых, Беларусь за лаўрамі міратворца не гоніцца. Але: гэта канфлікт у нашай сям'і, у нашым рэгіёне, і мы кроўна зацікаўлены ў яго вырашэнні. Мы — не ўдзельнікі перамоваў, але прэзідэнт Беларусі неаднаразова прапаноўваў розныя варыянты ўрэгулявання гэтага крызісу, у тым ліку гатоўнасць забяспечыць кантроль беларускімі міратворцамі украінска-расійскай мяжы і лініі судакранання. Наўрад ці што-небудзь залежыць ад месца правядзення перамоў.
Перамовы па Украіне можна перанесці хоць у Антарктыду, калі будзе ўпэўненасць у іх поспеху. Але для з'яўлення гэтай упэўненасці трэба, каб усе залучаныя ў гэты канфлікт бакі, а таксама нібыта «іншыя», але вельмі зацікаўленыя дзяржавы былі шчыра нацэлены на спыненне кровапраліцця.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі4
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары