Былы доктар жаночай зборнай ЗША па спартыўнай гімнастыцы Лары Насар прысуджаны да турэмнага зняволення на тэрмін ад 40 да 175 гадоў [гэта значыць, што ён можа прасіць пра памілаванне не раней, чым праз 40 год] за сэксуальны гвалт у дачыненні да спартовак.
Суддзя Розмары Акіліна сказала, што дзеянні Насара «агідныя» і «не маюць ніякага дачынення да спартыўнай медыцыны». «Вы не вартыя таго, каб выйсці за дзверы турмы, — заявіла яна. — Я толькі што падпісала вам смяротны прысуд».
Усё пачалося з таго, што чэмпіёнка Алімпійскіх гульняў 2012 года, амерыканская гімнастка Джордзін Уібер абвінаваціла былога доктара нацыянальнай каманды ЗША Лары Насара ў сэксуальных дамаганнях.
Працэс тычыўся злачынстваў у адносінах да сямі пацярпелых, аднак у судзе выступілі 156 жанчын і сваякоў жанчын, якія абвінавацілі Насара ў гвалце.
Каментары