Служба аховы рыбных рэсурсаў і дзікіх жывёл ЗША прызнала ўсходнюю пуму, якая адносіцца да віду Puma concolor, вымерлай, да такой высновы ў ведамстве прыйшлі на падставе «найлепшых даступных навуковых і камерцыйных крыніц».
Такім чынам, у ЗША прызналі адсутнасць сведчанняў існавання або ўзнаўлення папуляцыі падвіда. «Вельмі малаімаверна, што якая-небудзь з папуляцый усходняй пумы магла існаваць незаўважанай з моманту апошняга пацверджанага выяўлення ў 1938 годзе», - адзначаецца ў паведамленні службы. Як паведамляе Reuters, у 1938 годзе апошняя ўсходняя пума была забітая паляўнічым у штаце Мэн.
Буйныя кашэчыя таксама вядомыя як горныя львы, адны з самых вядомых жывёл Новага свету. Фактычна ў Паўночнай Амерыцы да гэтага часу жывуць пумы, адзначае National Geographic. Рэч у тым, што еўрапейцы, упершыню выявіўшы пум на кантыненце, далі розныя назвы адным і тым жа жывёлам, класіфікаваўшы іх як розныя падвіды. Так з'явіліся ўсходнія пумы, заходнія горныя тыгры, паўночна-амерыканскія пумы і фларыдская пантэра.
Зараз у Паўночнай Амерыцы папуляцыі пум займаюць прыкладна адну трэць ад свайго гістарычнага арэала пасялення. У мінулым ўсходнія пумы засялялі кожны штат на ўсход ад Місісіпі, але зніклі з-за сістэматычнага палявання на іх.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда12
Каментары