Януш Анышкевіч: Эўрасаюз не адменіць санкцыі супраць лукашэнкаўцаў
Такое меркаваньне выказаў польскі дэпутат Эўрапарлямэнту Януш Анышкевіч. «Гэта ня час «халоднай вайны», калі ў антыкамуністычны блёк прыцягваліся нават дыктатары. Нельга заплюшчваць вочы на тое, што робіць у Беларусі спадар Лукашэнка.
Такое меркаваньне выказаў польскі дэпутат Эўрапарлямэнту Януш Анышкевіч.
«Я падпісаў праект рэзалюцыі Эўрапейскага парлямэнту, якая неўзабаве будзе прадметам дыскусіі дэпутатаў. У ёй утрымліваецца прапанова не адмяняць санкцыяў супраць Беларусі й не ўспрымаць выбараў як нязначную падзею. Мы ня хочам праводзіць палітыку ў стылі быццам бы «нічога ня сталася» й працягваць адносіны зь Беларусьсю.
Гэта ня час сапраўднай «халоднай вайны», калі ў антыкамуністычны блёк прыцягваліся нават краіны, дзе кіравалі дыктатары. Тады галоўнай мэтай было ўзмацненьне антыкамуністычнага блёку, а сёньня сытуацыя іншая. Нельга заплюшчваць вочы на тое, што робіць у Беларусі спадар Лукашэнка. Калі б мы цяпер закрылі вочы на тое, як адбыліся парлямэнцкія выбары, то гэта быў бы вельмі дрэнны крок з боку Эўропы», — лічыць Я.Анышкевіч.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары