Алімпійскі чэмпіён — 2014 Антон Кушнір не трапіў у фінал сёлетніх Гульняў. У яго агульнае 13-е месца.
І зноў, як у сітуацыі з жаночымі спаборніцтвамі па фрыстайле, не абышлося без пытанняў да суддзяў.
Чытайце таксама. Панылы сорам: як кітаец Чжаоі Цю падсуджваў сваім землякам і ставіў мінімальныя балы беларускім фрыстайлісткам ФОТА
Спартсменам выстаўлялі ацэнкі тыя ж суддзі — з Расіі, Японіі, Швейцарыі, Канады і Кітая. Нагадаем, кожны з іх ставіць сваю адзнаку па трох крытэрыях. Каб пазбегнуць зусім відавочных накрутак, адкідваецца найлепшы і найгоршы бал. А вось астатнія тры адзнакі ўлічваюцца.
У другой кваліфікацыі Кушнір атрымаў ад суддзяў 121.27 бала і заняў сёмае месца. Тады як у швейцарца Мішы Гасера, які заняў прахадное шостае месца, — 121,72 бала.
Дзве з трох найгоршых ацэнак Кушнір атрымаў менавіта ад швейцарскага суддзі Юрга Мюлера. Ніхто іншы не ставіў беларусу такія нізкія балы.
Можа, гэта проста строгі арбітр?
Так ці інакш, свайму земляку, які, нагадаем, апярэдзіў Кушніра на 0,45 бала, Мюлер выстаўляў максімальныя балы. Ніводзін іншы суддзя не ацаніў швейцарцарскага фрыстайліста так высока.
Лішнім будзе казаць, што кітайскі спартсмен, які размясціўся ў выніковай табліцы ўслед за Кушнірам, атрымаў максімальныя балы ад кітайскага суддзі — таго самага, які «тапіў» беларускіх фрыстайлістак.
А вось беларускіх суддзяў на спаборніцтвах няма.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары