Навігатар незалежнасці: блогер стварыў карту месцаў БНР ва ўсім свеце
Як беспамылкова трапіць у месцы зьвязаныя з абвяшчэньнем БНР, або на магілу Рамана Скірмунта на Палесьсі ці Міколы Абрамчыка ў Парыжы? Помнік слуцкім паўстанцам у Нямеччыне або будынак у Менску, дзе абвясьцілі незалежнасьць БНР? У гэтым дапаможа гістарычная мапа на базе GoogleMaps, якую стварыў менскі блогер.
На мапе Максіма Ляшко да 100-годзьдзя абвяшчэньня незалежнасьці Беларускай Народнай Рэспублікі больш за 60 кропак, адзначае Дзьмітры Гурневіч на сайце Радыё Свабода.
Гуглаўская мапа працуе і ў якасьці аплікацыі на смартфонах. Задаўшы ёй зыходны пункт можна беспраблемна трапіць у абранае месца. Сам стваральнік мапы кажа, што нанёс амаль усе памятныя месцы, зьвязаныя з БНР і яе дзеячамі.
«Каб кожны мог самастойна паўдзельнічаць у сьвяткаваньні, асабліва калі ён ня ў Менску. Гэтых кропак, вядома, значна больш, але я дадаў самыя важныя», — гаворыць Ляшко.
Аўтар мапы прапануе дасылаць яму прапановы важных аб’ектаў, якія варта на яе ўнесьці. Пісаць паведамленьні ён прапануе праз Твітар або Фэйсбук.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным15
Каментары