У Мастах выпадковы мінак выратаваў дзяўчынку, якая правалілася пад лёд на Нёмане.
Пра гэта карэспандэнту БЕЛТА паведамілі ў Гродзенскай абласной арганізацыі Беларускага рэспубліканскага таварыства выратавання на водах.
Вечарам 3 сакавіка дзеці святкавалі дзень нараджэння ў адным з мастоўскіх кафэ. Потым пайшлі прагуляцца ў раён падвеснага моста праз Нёман. Для таго каб зрабіць эфектнае фота, 11-гадовая і 12-гадовая сяброўкі выйшлі на лёд. Лёд трэснуў, і дзяўчынкі апынуліся ў вадзе. Адна з іх была блізка да берага, таму яе за руку выцягнулі сябры. Другой жа яны дапамагчы не маглі.
«Крыкі аб дапамозе пачуў мужчына. Ён у гэтым час выгульваў сабаку. Зняўшы ланцужок з гадаванца, мужчына выкарыстаў яго ў якасці выратавальнага сродку», — распавялі ратавальнікі. Мужчына здолеў сканцэнтраваць увагу дзяўчынкі на павадку і выцягнуць яе з вады. Атрымаўшы сігнал, дзяжурная змена выратавальнай станцыі па трывозе выехала на месца. Здароўю дзяцей нічога не пагражае.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары