Ва ўзросце 91 года памёр стваральнік аднаго з дамоў высокай моды Юбер дэ Жываншы, паведаміў яго памочнік.
Мадэльер, сярод знакамітых кліентак якога былі першая лэдзі ЗША Жаклін Кэнэдзі і актрыса Одры Хепберн, памёр у суботу 10 сакавіка.
«Месье дэ Жываншы памёр у сне, — заявіў яго кампаньён, таксама мадэльер Філіп Вене. — Яго пляменнікі, пляменніцы і яго дзеці падзяляюць боль гэтай страты».
Модны дом Жываншы таксама пацвердзіў скон свайго заснавальніка.
З першага паказу сваіх мадэляў ў 1952 годзе да адстаўкі з пасады кіраўніка моднага дома ў 1995-м Юбер Тафэн дэ Жываншы быў адным з заканадаўцаў парыжскай моды.
Самым вядомым узорам яго элегантнага стылю была чорная сукенка гераіні Одры Хепберн ў фільме «Сняданак у Ціфані».
Заснаваны ім дом быў ў 1988 годзе прададзены кампаніі LVMH (Moët Hennessy - Louis Vuitton).
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары