МУС Беларусі выставіў на продаж універсал Chrysler 300C Touring з міліцэйскімі ліўрэямі і спецсігналамі. У аўтамабіля — «высокае» мінулае.
Гэта адзін з нешматлікіх «Крайслераў» з картэжа Аляксандра Лукашэнкі і іншых высокапастаўленых асобаў Беларусі. На асаблівым балансе машына знаходзілася больш за 10 год. Універсал быў выпушчаны ў 2006 годзе ў Аўстрыі.
На сёння прабег аўто складае 199 тысяч км, пры гэтым ступень зношанасці аўто ацэненая ў 78%. Пад капотам мадэлі — 5,7-літровы рухавік на 340 к.с., 5-ступеневы аўтамат і поўны прывад.
Хочуць за Chrysler 300C Touring 16 тысяч рублёў. Гэта даволі дорага, асабліва калі ўлічваць стан аўто.
Каментары