Удзельнікі мітынгу-канцэрту каля Опернага тэатра так і не ўбачылі Ніну Багінскую, нязломную ўдзельніцу многіх апазіцыйных акцый. Спадарыня Ніна заўсёды прыходзіць з узнятым бел-чырвона-белым сцягам.
Як паведаміла сустаршыня руху «Разам» Алена Талстая, 72-гадовую Багінскую дзевяць гадзін пратрымалі ў міліцыі.
«Спадарыня Ніна Багінская ўжо дома. Яе затрымалі ля пад'езда яе дома ў 10:30, яна збіралася на дыктоўку ў ТБМ. Трымалі ў Партызанскім РУУСе асобна ад усіх, у кабінеце на трэцім паверсе. Выпусцілі толькі ў 19:30.
Яна прыйшла на малітву ля Чырвонага Касцёла і стаяла там са сцягам цэлую гадзіну, на віду ў вернікаў, што выходзілі з імшы. Шкадавала толькі, што не патрапіла на Свята.
Свой расповед сп. Ніна скончыла воклічам «Жыве Беларусь!», — напісала Алена Талстая.
Каментары