«Каб там нешта ўзарвалі, каб іхнія гнілыя вантробы разляцеліся»: праграміст кампаніі Juno выказаўся пра свята ля Опернага
Праграміст Андрэй Кірыленка, работнік стартапа Juno, прыцягнуў увагу інтэрнэт-карыстальнікаў брыдкім допісам, прысвечаным святкаванню стагоддзя БНР ля Опернага.
«У РБ знакавы дзень — афіцыяльна ўбогае нацысцкае быдла ладзіць шабаш па святкаванні ўбогага высера пад назвай БНР. Пры гэтым — пры поўнай падтрымцы ўладаў. Ктулху святы, зрабі так, каб там штосьці ўзарвалі, каб іх гнілыя вантробы на некалькі кіламетраў разляцеліся, а», — напісаў у сваім блогу праграміст.
«Наша Ніва» патэлефанавала Кірыленку, каб удакладніць, чые менавіта вантробы яму б хацелася бачыць раскіданымі: дзяцей, якія прыйшлі з бацькамі на свята ці, можа, хрысціянскага духавенства?
У адказ Кірыленка сказаў, што «не хоча бачыць нацызму ў Беларусі».
«Вы ў курсе гісторыі бел-чырвона-белай сімволікі? Кім яна выкарыстоўвалася? Я раскажу: першы раз БНР, потым падчас Другой сусветнай вайны такімі арганізацыямі, як Саюз беларускай моладзі, Беларуская краёвая абарона.
Далей гэта сімволіка выкарыстоўвалася тымі людзьмі, якія знішчылі маю радзіму — СССР», — сказаў праграміст.
Ці лічыць ён нацыстамі, напрыклад, Васіля Быкава ці Алеся Адамовіча?
«Я не ведаю, хто гэтыя людзі, — прызнаўся Андрэй Кірыленка. — Хто? Пісьменнікі? Вы думаеце, што я неадукаваны, калі не ўмею чытаць па-беларуску і не ведаю местачковых аўтараў?».
Ён таксама не здолеў дакладна сказаць, ці бачыў на фота з акцыі ўскінутыя ў нацысцкім вітанні рукі ці нацысцкія воклічы. Не здолеў таксама правесці паралелі паміж БНР і нацыстамі.
Чытайце таксама: Марзалюк рэзка адказаў тым, хто спрабуе праводзіць паралелі паміж БНР і нацыстамі
«Я не хачу нацызму ў Беларусі», — яшчэ раз падсумаваў Кірыленка змест свайго допіса. Цікава, што ўласныя фармулёўкі ён нацысцкімі не лічыць.
«Наша Ніва» таксама звярнуліся да кіраўніцтва кампаніі Juno, дзе працуе праграміст. Juno — праект, які спрабуе кінуць выклік сусветна вядомаму сэрвісу Uber.
Кіраўнік мінскага аддзялення Аляксей Мінкевіч запэўніў «Нашу Ніву», што вывучыць выказванні свайго супрацоўніка: маўляў, не ў курсе сітуацыі, бо быў у камандзіроўцы.
«Наш каментар будзе пазней», — сказаў ён.
***
Андрэй Кірыленка паходзіць з Гродна, з сям'і інжынераў. Бацька нарадзіўся пад Гомелем.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары