Суд у нідэрландскім горадзе Брэда паставіў кропку ў гучнай справе аб забойстве, якая ўзрушыла беларускую дыяспару ў Еўропе, піша Blizko.by.
Як паведамляюць мясцовыя СМІ, трагедыя адбылася 21 кастрычніка 2023 года на аўтастаянцы ўздоўж трасы A16, дзе пасля сваркі 57-гадовы кіроўца грузавіка з Беларусі смяротна параніў нажом свайго 25-гадовага калегу.
Следства ўстанавіла, што мужчыны правялі выхадны дзень разам, аднак пад вечар паміж імі ўспыхнуў канфлікт. Відэакамеры зафіксавалі іх сварку і бойку, пасля чаго кіроўцы апынуліся ў кабіне трэцяга свайго калегі — пажылога мужчыны. Менавіта там старэйшы з іх нанёс шэсць нажавых раненняў малодшаму.
Паказанні абвінавачанага былі блытанымі і непераканаўчымі. У той жа час суду былі прадстаўленыя важкія доказы злачынства, у тым ліку ДНК загінулага на фіранках і вопратцы абвінавачанага.
Акрамя чалавечай трагедыі, справа абярнулася і сур'ёзнымі эканамічнымі стратамі: грузавік, на якім абвінавачаны працаваў да і пасля злачынства, быў канфіскаваны і больш за паўтара года не выкарыстоўваўся, прычыніўшы шкоду кампаніі.
У выніку суд вынес у дачынені да беларуса вердыкт: 12 гадоў турмы за забойства.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі8
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары