Беларус з Віцебска зрабіў унікальнае ФОТА праходжання МКС па дыску Месяца
Удзельнік Віцебскага астранамічнага клуба «Геліёс» пры ВДУ імя Машэрава зрабіў унікальную фатаграфію транзіту Міжнароднай касмічнай станцыі па дыску Месяца, паведамляюць «Віцьбічы».
Уладзіслаў Варанецкі амаль 14 гадоў захапляецца фатаграфіяй. Раней атрымлівалася сфатаграфаваць транзіт самалёта па дыску Месяца, а ў апошнія 3 гады ён спрабаваў зрабіць кадр праходу менавіта МКС, але перашкаджала надвор'е. 30 сакавіка гэта ўдалося.
Падчас здымкі хуткасць станцыі складала 27 615 кіламетраў за гадзіну, а вышыня — 402 кіламетры. Праход МКС у кадры заняў 0,89 секунды. Складанасць была і ў вялікай фокуснай адлегласці — 2 тысячы міліметраў.
Цяпер Уладзіслаў плануе зрабіць яшчэ адно фота — праходжання МКС па дыску Сонца. Тэхнічна гэта выканаць яшчэ складаней.
Каментары