18‑гадовы беларускі паўабаронца Ягор Моўчан працягне кар'еру ў харвацкім «Дынама» з Заграба. Футбаліст з'яўляецца выхаванцам акадэміі мінскага «Дынама».
З пачатку гэтага года Моўчан, якому тады было 17 гадоў, трэніраваўся разам з асноўнай камандай мінскага «Дынама». За гэты час ён правёў 14 афіцыйных матчаў, забіў два мячы і аддаў дзве галявыя перадачы.
13 жніўня футбалісту споўнілася 18 гадоў. У гэтым сезоне ён дэбютаваў у вышэйшай лізе Беларусі, а таксама атрымліваў выклік у моладзевую зборную краіны. Ягоная статыстыка магла быць яшчэ лепшай, але апошнія два месяцы сезона Молчан прапусціў праз траўму.
Паводле інфармацыі інсайдара Анара Ібрагімава, заграбскае «Дынама» заплаціць за трансфер беларуса 110 тысяч еўра.
Раней Моўчанам таксама цікавіўся іспанскі клуб «Левантэ». У снежні 2025 года беларускі футбаліст праходзіў у гэтым клубе прагляд і стажыроўку. Цікавасць да маладога паўабаронцы праяўлялі і іншыя еўрапейскія каманды.
У апошнія гады некалькі маладых футбалістаў мінскага «Дынама» перайшлі ў замежныя клубы. Трафім Мельнічэнка, Уладзіслаў Марозаў і Мікіта Дземчанка паехалі гуляць у Партугалію — адпаведна за клубы «Порту», «Арока» і «Візела». Фёдар Лапухоў апынуўся ў сафійскім ЦСКА, а Павел Апяцёнак — у грэчаскім ПАОК з Салонік.
«Мы не былі слабейшыя — мы саступілі ў дробязях». У «МЛ Віцебск» пракаментавалі вылет з еўракубкаў
Мінскае «Дынама» і «МЛ Віцебск» вылецелі з еўракубкаў
Памёр футбольны калекцыянер, які апранаў моладзь у майкі з Лукашэнкам
Тысячы людзей глядзяць на «Дынама» фінал чэмпіянату свету. Нехта разгарнуў вялікі расійскі сцяг
Арыштавалі прадстаўнікоў кампаніі Bayer у Беларусі15
Каментары