Прэзідэнт Украіны Пятро Парашэнка лічыць, што працоўная міграцыя з Украіны з'яўляецца нармальным працэсам інтэграцыі краіны ў еўрапейскі рынак працы, які праходзілі краіны-суседзі, паведамляе НВ Бізнес.
Пра гэта ён заявіў на нарадзе па пытаннях дэцэнтралізацыі ў Вінніцы.
«Падпісанне Пагаднення аб асацыяцыі з ЕС прадугледжвае свабодны рух капіталаў, паслуг, тавараў, працоўнай сілы. Украіна становіцца часткай еўрапейскага рынку працы… Гэта нармальны працэс, іншыя краіны гэта праходзілі», — сказаў прэзідэнт Украіны.
Парашэнка таксама адзначыў, што ўкраінскія працадаўцы часцей скардзяцца на недахоп працоўнай сілы. «Ужо няма праблемы беспрацоўя, ёсць праблема дакладна наадварот. Зразумела, што гэта сярэдняя тэмпература па палаце — дзесьці людзям няма дзе працаваць, а дзесьці на кваліфікаваную працоўную сілу палююць рэкрутары, у тым ліку і замежныя», — дадаў ён.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары