Ударная група ВМС ЗША, якую ўзначальвае авіяносец USS Harry S. Truman, адправіцца 11 красавіка з порта Норфалк, штат Вірджынія, у Міжземнае мора для разгортвання на Блізкім Усходзе і ля берагоў Еўропы, паведамляе Star and Stripes.
У склад ударнай групы, акрамя авіяносца, увайшлі ракетны крэйсер USS Normandy і эскадраныя мінаносцы USS Arleigh Burke, USS Bulkeley, USS Forrest Sherman і USS Farragut. Пазней да групы далучацца яшчэ два мінаносцы USS Jason Dunham і USS The Sullivans. На караблях знаходзяцца 6,5 тысячы матросаў.
Эскадра заменіць ударную групу на чале з авіяносцам USS Theodore Roosevelt, якая на працягу чатырох месяцаў знаходзілася на Блізкім Усходзе.
Прэзідэнт ЗША Дональд Трамп адмяніў паездку на саміт Амерык у Перу для падрыхтоўкі адказу на меркаваную хімічную атаку ў Сірыі.
Каментары