Тэрмінал разьлічаны на перавалку 10 млн т нафты ў год. Гэта больш чым агульнае ўнутранае запатрабаваньне беларускай гаспадаркі ў нафце на сёньня. Ён мае паўстаць адначасова з пабудовай Расіяй нафтаправоду БТС-2 у абыход Беларусі.
ТАА СП «Baltic Oil Terminal», якое ўваходзіць у структуру холдынгавай кампаніі DINAZ, і канцэрн «Белнафтахім» плануюць пабудаваць нафтаналіўны тэрмінал на тэрыторыі Рыжскага свабоднага порта.Аб гэтым на пасяджэнні латвійска-беларускага інвестыцыйнага форуму заявіў прэзідэнт холдынгавай кампаніі DINAZ Мікалай Ермалаеў.
Паводле яго слоў, цяпер праект знаходзіцца на разглядзе Мінэканомікі. «Міністэрства ажыццявіць экспертызу праекта і, спадзяюся, да канца года прыме рашэнне», — сказаў прэзідэнт кампаніі.
Мікалай Ермалаеў адзначыў, што ў лістападзе мае быць замоўлены праект аховы навакольнага асяроддзя. Калі ён будзе гатовы і абаронены, можна будзе пачынаць будаўніцтва тэрміналу.
Яно мае пачацца пры канцы 2009 года і завершыцца ў 2011 годзе. Кошт праекта складзе каля 170 млн еўра.Пры гэтым долі кампаніі ТАА СП «Baltic Oil Terminal» і канцэрну ён не агучыў, але запэўніў, што гэта будзе сумеснае прадпрыемства на парытэтных пачатках.
Тэрмінал разлічаны на перавалку 10 млн т нафты і нафтапрадуктаў у год. Ён размесціцца на пляцоўцы 27 га і будзе складацца з двух прычалаў, агульны аб'ём рэзервуарнага парку — каля 370 тыс. куб. м. Прадугледжана прымаць і загружаць/разгружаць танкеры з дэдвэйтам да 80 тыс. т.
Варта адзначыць, што
10 мільёнаў тонаў — гэта палова цяперашняга агульнага спажывання нафты Беларуссю і больш чым агульнае ўнутранае запатрабаванне беларускай гаспадаркі ў нафце на сёння.Можна прадказаць, што такі аб'ём будзе цалкам пакрываць унутранае запатрабаванне беларускай эканомікі з улікам яе росту да 2011 году. Заўважна, што
тэрмінал мае паўстаць адначасова з пабудовай Расіяй нафтаправоду БТС-2 у абыход Беларусі.Ня выключана, што калі Расія не здолее зрэалізаваць такую амбітную інвестыцыю, то і праект тэрміналу ў Рызе можа легчы пад сукно.
Нагадаем, што блізка ад месца магчымага нафтапорту праходзіць нафтаправод Полацак-Вэнтспілс, які можна выкарыстоўваць і ў рэвэрсным рэжыме.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары