Законапраект «Аб мерах уздзеяння (процідзеяння) на несяброўскія дзеянні Злучаных Штатаў Амерыкі і (або) iншых замежных дзяржаў» быў унесены старшынёй Дзярждумы.
Па словах спікера, законапраект быў распрацаваны парламентарыямі «як мера ў адказ на выклікі ЗША і іх службовых асоб, выяўленыя ў несяброўскіх і неканструктыўных дзеяннях, увядзенні санкцый у дачыненні як Расійскай Федэрацыі агулам, так і яе грамадзян і юрыдычных асоб».
Законапраект прадугледжвае ўжыванне наступных мер, якія тычацца паслуг і тавараў з ЗША:
- забарона або абмежаванне імпарту сельскагаспадарчай прадукцыі, сыравіны і харчавання;
- забарона або абмежаванне імпарту алкагольнай і тытунёвай прадукцыі;
- забарона або абмежаванне імпарту лекаў, за выключэннем тых, чые аналагі не вырабляюцца ў Расіі;
- забарона або абмежаванне экспарту прадукцыі і абсталявання з рэдказямельных металаў;
- забарона дзяржаўных і муніцыпальных закупак тэхналагічнага абсталявання і праграмнага забеспячэння;
- вычарпанне выключнага права на таварныя знакі ў дачыненні да тавараў, праваўладальнікамі якіх з'яўляюцца грамадзяне ЗША;
- забарона на прыцягненне высокакваліфікаваных спецыялістаў;
- павышэнне збораў на аэранавігацыйнае абслугоўванне паветраных судоў, якія ажыццяўляюць дзейнасць па перавозцы грузаў і якія выкарыстоўваюць паветраную прастору Расіі.
Цяпер чытаюць
Польшча прызнала Аляксандра Машэнскага непажаданай асобай35
Каментары