Улады Віцебска не будуць адмаўляцца ад устаноўкі помніка ў гонар княгіні Вольгі
З падрадчыкам ужо складзены дагавор, а Міністэрства культуры ўхваліла праект — такі адказ з Віцебскага гарвыканкама атрымалі аўтары петыцыі супраць устаноўкі ў абласным цэнтры помніка кіеўскай княгіні Вользе, паведамляюць «Народныя навіны Віцебска».
Петыцыя з патрабаваннем да гарадскіх уладаў адмовіцца ад устаноўкі гэтага помніка была размешчана ў пачатку красавіка, яе падпісалі 190 чалавек. Яна была адрасавана старшыні Віцебскага гарвыканкама Віктару Нікалайкіну, але адказ прыйшоў ад яго намесніка Пятра Падгурскага.
У сваім адказе спадар Падгурскі паведамляе, што праектная дакументацыя ўзгоднена з Міністэрствам культуры. А падрадчык на выкананне работ па добраўпарадкаванні тэрыторыі для размяшчэння помніка заснавальніцы горада — княгіні Вользе — абраны ў выніку дзяржзакупкі.
Назву падрадчыка чыноўнік вырашыў захаваць у таямніцы. На сайце Нацыянальнага цэнтра маркетынгу і кан'юнктуры цэн адзначана, што абедзве закупкі на правядзенне гэтых работ не адбыліся.
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары