Следчыя эксгумавалі цела салдата Коржыча на патрабаванне маці
Сьледчыя ў справе салдата Аляксандра Коржыча, які гвалтоўна загінуў у вайсковай частцы ў верасьні 2017 году, правялі эксгумацыю цела. Аб гэтым Радыё Свабода расказала маці загінулага салдата Сьвятлана.
7 чэрвеня старшыня Сьледчага камітэту Іван Наскевіч паведаміў, што сьледзтва ў справе Аляксандра Коржыча працягнутае, прызначаны шэраг дадатковых экспэртыз. Паводле Наскевіча, яны зоймуць некалькі тыдняў, пасьля чаго справа будзе перададзеная ў суд.
6 чэрвеня цела Аляксандра Коржыча было эксгумаванае.
«Учора прыехалі, паклікалі мяне на эксгумацыю. Выкапалі, спыталі, ці гэта мой сын. Я сказала, што так, мой, — расказала Сьвятлана Коржыч. — Мясцовых больш нікога не дапусьцілі на эксгумацыю. Толькі мяне. Забралі цела ў морг, узялі ўсё неабходнае для экспэртызы. Сказалі, што празь некалькі тыдняў паведамяць вынікі».
Эксгумацыя цела Аляксандра Коржыча была адным з патрабаваньняў яго маці, якая не пагадзілася з высновамі сьледзтва. Сьвятлана Коржыч знаёмілася з матэрыяламі справы на працягу ўсяго траўня, пасьля чаго зьвярнулася ў СК і адміністрацыю Лукашэнкі з патрабаваньнем правесьці эксгумацыю цела сына для правядзеньня дадатковай мэдыцынскай экспэртызы. Яна перакананая, што сын стаў ахвярай забойства.
Чытайце таксама: «Яны прададуць і дзяржаву, і Лукашэнку». У маці салдата Коржыча свая версія смерці сына
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары