На сайце «Эхо Москвы» апублікаваны зварот да прэзідэнта Расіі Уладзіміра Пуціна з просьбай памілаваць украінскага рэжысёра Алега Сянцова, які з 14 мая трымае галадоўку ў калоніі.
Зварот падпісалі актрыса Чулпан Хаматава, рэжысёры Канстанцін Бранзіт, Андрэй Звягінцаў, Павел Лунгін, Юрый Нарштэйн, Аляксандр Сакураў, Валерый Тадароўскі, Аляксей Учыцель, Аляксей Фядорчанка, тэлевядучыя Уладзімір Познер і Ксенія Сабчак.
«Паважаны Уладзімір Уладзіміравіч! Чалавек памірае. Мы не думаем, што віна яго настолькі вялікая, каб за яе давалі 20 гадоў. Ён шчыры і сумленны ў сваіх перакананнях - яго бестэрміновая галадоўка гэта даказвае. Неабходна праявіць міласэрнасць, каб выратаваць чалавечае жыццё», - сказана ў лісце.
Прэс-сакратар Пуціна Дзмітрый Пяскоў заявіў, што прэзідэнт «неаднаразова выказваў свой пункт гледжання» пра справу Сянцова і што грамадскі рэзананс «не магу паўплываць на рашэнне суда, якое ўступіла ў сілу».
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары