Калісьці налібоцкі край быў адным з самых вялікіх лясных масіваў Усходняй Еўропы. Гэта край караля Міндоўга, край вялікага князя Вітаўта, край касцёлаў, азёр, некранутых пушчаў, дзіўных легенд і гісторый…
Фонд «Краіна замкаў» запрашае ўсіх ахвотных далучыцца да вандроўкі па Налібоччыне.
І першы прыпынак - вёска Рубяжэвічы з велічным касцёлам Св. Юзафа.
Каб дабіцца дазволу на яго пабудову, мясцовы мешчанін Антоній Тур, некалькі разоў пешкі схадзіў у Санкт-Пецярбург з прашэннямі.
Наступны прыпынак - мястэчка Івянец, якое славілася сваімі рамёствамі: керамікай, ткацтвам, кавальствам, разьбой па дрэве…
Выдатныя ўзоры народнага майстэрства можна пабачыць у мясцовым Музеі традыцыйнай культуры, на тэрыторыі старадаўняй сядзібы. Абыякавымі гасцей не пакіне храм Арханёла Міхаіла, адзін з найпрыгажэйшых помнікаў віленскага барока.
Далей перад позіркам гасцей паўстане вёска Дзераўная з гатычным касцёлам XVII стагоддзя.
Ад Дзераўной недалёка і да радзівілаўскіх Налібокаў.
А пасля пачынаецца сапраўдная пушча.
Хоць яна ў ХХ стагоддзі пацярпела ад высечак, частка пушчанскага краю (так званая Графская пушча) паўстае перад вачыма турыстаў ва ўсёй сваёй першаснай прыгажосці.
А дыямент пушчы - возера Кромань.
На яго беразе ўдзельнікі экскурсіі спыняцца на невялікі пікнік.
Даведацца падрабязнасці і запісацца ў вандроўку ў нетры Налібоцкай пушчы можна па тэлефонах:
(17) 203-69-70
(17) 226-03-02
(29) 682-58-07
(29) 772-77-58
Болей інфармацыі — на сайце www.zamak.by.
Фонд «Краіна замкаў». УНП 690382807
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары