Бутафорскі «бластар» Хана Сола, якім герой Харысана Форда карыстаўся падчас здымак аднаго з фільмаў класічнай трылогіі «Зорных войнаў», пайшоў з малатка за 550 тысяч даляраў, піша Бі-бі-сі.
Рэквізіт фільма «Вяртанне джэдая», выкананы з дрэва з элементамі пластыку і металу, 30 гадоў знаходзіўся ў калекцыі арт-дырэктара фільма Джэймса Шопе.
Бластар Хана Сола ацанілі вышэй, чым светлавы меч, якім у першых дзвюх частках фільма быў узброены Люк Скайуокер — яго купілі за 450 тысяч даляраў (385 тысяч еўра).
За сваю працу ў якасці арт-дырэктара карціны Шопе быў намінаваны на «Оскар» у 1984 годзе, але не атрымаў яго. Узнагарода тады была аддадзена арт-дырэктару фільма «Фані і Аляксандр» Ганне Асп.
Шопе выставіў на аўкцыён яшчэ каля 40 прадметаў рэквізіту з фільма, уключаючы сякеру эвока і чарцёж карабля Джаба Хата.
За сякеру эвока адзін з пакупнікоў заплаціў 11 250 даляраў (каля 9,642 еўра), а яшчэ адзін бластар быў прададзены за 90 624 даляры, распавялі ў кампаніі Julien's Auctions, якая арганізавала аўкцыён.
Самым дарагім з калі-небудзь прададзеных прадметаў рэквізіту з «Зорных войнаў» быў дроід R2-D2, які пайшоў з малатка за 2,76 млн даляраў у мінулым годзе.
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары