Міністр унутраных спраў Беларусі Уладзімір Навумаў адмовіўся пракаментаваць ход расследавання выбуху, што адбыўся ў Мінску 4 ліпеня.
«Я ведаў, што мне зададуць такое пытанне, і думаў, як на яго адказаць. Магу сказаць, што расследаванне ідзе сваім ходам. Аднак мой больш канкрэтны адказ можа даць супрацьлегламу боку прадпрыняць нейкія дзеянні», — заявіў У.Навумаў журналістам 31 кастрычніка.
Паводле слоў міністра, пасля завяршэння расследавання ён раскажа пра яго «вельмі падрабязна».
Выбух самаробнага прыстасавання з балтамі і гайкамі адбыўся на перасячэнні праспектаў Машэрава і Пераможцаў 4 ліпеня прыкладна ў 00.30 падчас святочнага канцэрта. На канцэрце, паводле афіцыйных звестак, прысутнічалі каля паўмільёна чалавек. Па медыцынскую дапамогу звярнуліся 54 чалавекі; 47 з іх, у тым ліку двое дзяцей, былі шпіталізаваны.
Цяпер чытаюць
Турэцкі лаўрэат прэміі Чэчкі быў у захапленні ад Беларусі і рэжыму ў ёй. А пасля трапіў на Акрэсціна3
Каментары