Паўночная Карэя абвінаваціла ЗША ў выкарыстанні «бандыцкай» тактыкі падштурхоўвання КНДР да ядзернага раззбраення.
КНДР таксама назвала пазіцыю ЗША па пытанні ядзернага раззбраення «вартай шкадавання», а паводзіны амерыканскіх дыпламатаў — «вельмі непакоячымі».
Каментары паўночнакарэйскага кіраўніцтва пра ход перамоў з амерыканскай дэлегацыяй істотна адрозніваюцца ад версіі дзяржсакратара ЗША Майка Пампеа.
За некалькі гадзін да гэтага Пампеа выказаўся пра вынікі сустрэчы ў Пхеньяне вельмі аптымістычна.
Гэта быў яго першы візіт у Пхеньян пасля сустрэчы прэзідэнта ЗША Дональда Трампа з паўночнакарэйскім лідарам Кім Чэн Ынам у Сінгапуры.
КНДР заяўляе, што падчас перамоў ЗША пастаянна спрабавалі пераканаць паўночнакарэйскі бок адмовіцца ад ядзернай зброі.
У нядзелю Пампеа сустрэнецца з міністрамі замежных спраў Японіі і Паўднёвай Карэі ў Токіа.
Каментары