Як паведамляе прэс‑служба прэзідэнта, А.Лукашэнка нагадаў, што Беларусь і В’етнам аб’ядноўваюць значныя гістарычныя сувязі — беларускія вайскоўцы бралі ўдзел у вызваленчай вайне ў В’етнаме, беларускія спецыялісты шмат зрабілі для стварэння в’етнамскай эканомікі.
Паводле слоў кіраўніка дзяржавы, у адносінах Беларусі і В’етнама «няма закрытых тэм» і супрацоўніцтва ажыццяўляецца ва ўсіх сферах. Пры гэтым, падкрэсліў А.Лукашэнка, дзвюм краінам неабходна актывізаваць гандлёва‑эканамічныя адносіны ў адпаведнасці з наяўным патэнцыялам.
«Тавараабарот нядрэнны, ён развіваецца, але ўсё ж гэта не тыя лічбы, якія павінны быць. Ужо сёння мы маглі б мець тавараабарот у 10 разоў большы», — сказаў прэзідэнт.
А.Лукашэнка выказаў пажаданне, каб наступны пасол В’етнама ставіўся да сваёй дыпламатычнай місіі ў Беларусі гэтак жа добрасумленна, як Ву Суан Нінь. Паводле слоў прэзідэнта, беларускі бок з задавальненнем выкарыстаў бы і ў далейшым вопыт Ву Суан Ніня на карысць дзвюх дзяржаў. А.Лукашэнка зазначыў, што пасол, які завяршае сваю місію, у будучым мог бы актыўна дапамагаць развіццю гандлёва‑эканамічных сувязей паміж Беларуссю і В’етнамам.
У сваю чаргу Ву Суан Нінь падкрэсліў, што Беларусь стала для яго фактычна роднай краінай. Ён нагадаў, што браў удзел у працэсе ўсталявання дыпламатычных адносінаў паміж дзвюма дзяржавамі.
Каментары