На новай «трыумфальнай арцы» ў Магілёве павесілі ордэн Леніна ФОТАФАКТ
Магілёўскую «трыумфальную арку» рыхтуюць да здачы — пасля 1,5 года будоўлі і шматлікіх просьбаў уладаў скінуцца на гэтую будоўлю. Ужо не сакрэт, што арку ў гонар 750-годдзя Магілёва здадуць да V Форуму рэгіёнаў Беларусі і Расіі.
На гэтым тыдні там ўсталявалі копіі двух ордэнаў (Вялікай айчыннай вайны і Леніна).
Праваабаронца і журналіст Аляксандр Буракоў вырашыў высветліць, чаму так выйшла. Ён звярнуўся ва ўпраўленне архітэктуры і будаўніцтва, а таксама ва ўпраўленне культуры Магілёўскага гарвыканкама:
— Мне стала цікава, хто прымаў рашэнне аб усталяванні на арку ордэна Леніна з яго партрэтам і па якіх крытэрах вызначаліся патрэбныя дэкаратыўныя элементы. Складваецца адчуванне, што горад за 750 гадоў сваёй гісторыі не можа пахваліцца нічым, акрамя савецкага перыяду, — распавёў Буракоў.
Паводле яго, упраўленне культуры даслала адказ ужо на наступны дзень. Згодна з пазіцыі чыноўнікаў, «пытанні аб уязной арцы ў горад Магілёў, выкладзеныя ў электронным звароце грамадзяніна, не ўваходзяць у кампетэнцыю ўпраўлення культуры Магілёўскага гарвыканкама».
Зараз Буракоў чакае адказ з упраўлення архітэктуры і будаўніцтва. Пры гэтым ён лічыць дзіўным, што чыноўнікі, адказныя за культуру, ніяк не звязаныя з візуальным афармленнем уезду ў горад.
Акрамя таго, яго бянтэжыць той факт, што ордэнам Леніна сам Магілёў узнагароджаны ніколі не быў — у 1967 годзе ўзнагароду надалі ўсёй Магілёўскай вобласці.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары