Расійскі самалёт Іл-20 быў збіты з комплексу С-200 сіл супрацьпаветранай абароны Сірыі, але пад удар яго падставілі ізраільскія лётчыкі, заявілі ў Мінабароны, перадае ria.ru. Загінулі 15 расійскіх вайскоўцаў.
У Маскве таксама падкрэслілі, што разглядаюць дзеянні Ізраіля як варожыя. Таксама ў міністэрстве заявілі аб праве на «адэкватныя дзеянні».
Мінабароны Ізраіля: Калі сірыйцы выпусцілі ракеты ў расійскі самалёт, нашы самалёты ўжо знаходзіліся ў паветранай прасторы Ізраіля
Іл-20 знік з радараў падчас налёту чатырох ізраільскіх самалётаў F-16 на правінцыю Латакія. Сувязь з экіпажам знікла над Міжземным морам каля 23:00 на адлегласці 35 кіламетраў ад узбярэжжа Сірыі.
Ля берагоў Латакіі знайшлі абломкі збітага расійскага самалёта
Іл-20 — самалёт радыёэлектроннай разведкі і радыёэлектроннай барацьбы. Гэтыя самалёты, піша ria.ru добра зарэкамендавалі сябе падчас баявых дзеянняў у Сірыі, каардынуючы ўдары ВКС Расіі (у тым ліку палёт крылатых ракет).
Як паведамлялася сёння, суразмоўца CNN сярод амерыканскіх афіцыйных асоб заявіў, што расійскі Іл-20 з 14 вайскоўцамі, які знік вечарам 17 верасня над Міжземным морам, быў збіты сірыйскім СПА. Паводле яго слоў, апошнія спрабавалі спыніць атаку ізраільскай авіяцыі на правінцыю Латакія і выпадкова збілі расійскі самалёт.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары