«У наступным годзе мы плянуем больш гнуткую курсавую палітыку. Мы намераны мякка дэвальваваць нацвалюту», — сказаў намесьнік кіраўніка НБ.
Пра гэта заявіў у Лёндане намесьнік кіраўніка галоўнай фінансавай установы краіны Васіль Мацюшэўскі, паведамляе TUT.BY са спасылкай на Рэйтэр.
«У наступным годзе мы плянуем больш гнуткую курсавую палітыку. Мы намераны мякка дэвальваваць нацвалюту», — сказаў Мацюшэўскі.
Аднак ён не ўдакладніў, якімі тэмпамі будзе ажыцьцяўляцца дэвальвацыя.
Але ён зьвярнуў увагу на зьніжэньне курсу расейскага рубля ў Расеі на 1 % на мінулым тыдні, указаўшы на пляны Масквы працягнуць зьніжэньне курсу рубля ў далейшым.
Як паведаміў TUT.BY начальнік упраўленьня інфрамацыі Нацбанку Анатоль Драздоў,
«мяккая дэвальвацыя ужо ідзе».
Курс рубля ў дачыненьні да даляра ЗША паступова зьніжаецца, аднак да канца году ён будзе ўтрымлівацца ў рамках устаноўленага Нацбанкам валютнага калідору — у межах 2 100‑2 200 рублёў.
Што тычыць 2009 году, то тут магчымыя ваганьні ў рамках 5‑10%.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары