Футбаліст «Ювентуса» Крышціяну Раналду не будзе прысутнічаць на цырымоніі ўручэння ўзнагарод ФІФА ў Лондане. Як паведамляе іспанскае выданне Marca, партугалец адмовіўся ад планаў наведаць мерапрыемства з-за шчыльнага графіка сваёй каманды.
Увечары 23 верасня «Ювентус» правёў выязны матч супраць «Фразіноне», а ўжо 26 верасня сустрэнецца з «Балонняй». Гэта азначае, што ніхто з футбалістаў турынскага клуба не прыме ўдзел у сённяшняй цырымоніі.
Раналду папярэдзіў арганізатараў, што будзе адсутнічаць на мерапрыемстве. Раней футбаліст прапусціў цырымонію ўручэння ўзнагарод УЕФА, якая праходзіла ў жніўні ў Манака.
Мяркуецца, што партугалец вырашыў не ехаць на мерапрыемства, калі даведаўся, што прыз найлепшаму футбалісту атрымае не ён, а паўабаронца «Рэала» і зборнай Харватыі Лука Модрыч.
На цырымоніі ў Лондане ФІФА назаве найлепшага футбаліста мінулага сезона. У тройку прэтэндэнтаў патрапілі Раналду, Модрыч і футбаліст «Ліверпуля» Махамед Салах. Акрамя таго будуць узнагароджаны пераможцы ў намінацыях «Трэнер года» (на гэтае званне прэтэндуюць Дыд'е Дэшам, Златка Даліч і Зінедзін Зідан) і «Брамнік года» (за «Залатую пальчатку» пазмагаюцца Цібо Куртуа, Уга Льорыс і Каспер Шмейхель). Таксама будуць абвешчаныя 11 футбалістаў, якія ўвайшлі ў сімвалічную зборную года паводле версіі ФІФА.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары